“Залуу ажилтнуудын төлөвшил” лекц яриа зохион байгууллаа

“ДБЭХС” ТӨХК нь  залуу ажилтнуудаа ажилд нь дадлагажуулах, хамт олонд нь дасгах, цаашлаад тэдний зан байдал төлөвшилтөнд нөлөөлөх, байгууллагынхаа үнэт зүйл, нэр хүндийг дааж ажиллаж, амьдрах бүтээлч, хөдөлмөрч ажилтан болгон хөгжүүлэхэд нөлөөлөх “Залуу ажилтнуудын төлөвшил” сэдэвт лекц арга хэмжээг 2015 оны 02 дугаар сарын 13 ны өдөр  Захиргаа удирдлагын хэлтэс, Үйлдвэрчний эвлэлийн хороо хамтран зохион байгууллаа.

Энэхүү лекц үйл ажиллагааны зорилго нь ажилтнууддаа байгууллага хамт олноо гэсэн ухамсар зан байдлыг төлөвшүүлэх, нийгэмд бие зөв авч явах, амралт чөлөөт цагаараа согтууруулах ундаа хэрэглэхгүй байх, аливаа гэмт үйлдэл нь өөрийн болоод бусдын эдийн засаг, эрүүл мэндэд хохирол учруулаад зогсохгүй, байгууллага хамт олны нэр хүндийг сэвтээх үйлдэл болдог гэдгийг ойлгуулж, байгууллага хамт олныхоо нэр хүндийг хайрладаг хөдөлмөрч бүтээлч ажилтан болгон төлөвшүүлэхэд лекц яриагаар дамжуулан нөлөөлөх зорилготой.

Лекцийн үйл ажиллагаанд Компаний ерөнхий инженер Ө.Жаргалсайхан, Захиргаа удирдлагын хэлтсийн даргаж Ж.Гантулга, ҮЭ-ийн хорооны дарга Б.Батзориг, урилгаар Дорнод аймгийн цагдаагийн газрын ажилтан хошууч н.Ариунсанаа, “Оюуны 9-н дэвшил-Эрүүл идэвхтэй амьдрал”  клубын тэргүүн н.Хүрэлбаатар нар оролцож лекц уншсан байна.