“Нийгмийн хариуцлагын хүрээнд” Хэрлэн сумын 1-р багийн иргэн М.Энхмаад хашаа, байшинг хүлээлгэн өгөв

Компанийн захиргаа удирдлагын хэлтсийн дарга Ж.Гантулгын санаачлагаар хамт олны сэтгэлийн хандивын аян өрнүүлэх санаачилгыг компанийн удирдлага дэмжиж, нийгмийн хариуцлагын хүрээнд ажилтан, албан хаагчдын хандиваар хашаа, байшин барих ажлыг эхлүүлэхээр болсон.

 Тус ажлыг 2018 оны 2 дугаар сарын 1 ний Билэгт сайн өдөр эхлүүлж 9 хоногийн хугацаанд хашаа байшинг барьж дуусгалаа.

Чойбалсан хотын захирагч П.Мөнхтөр, Хэрлэн сумын 1-р багийн засаг дарга Р.Энхцэцэг, Компанийн удирдлага, Захирлын зөвлөлийн гишүүд, бүх цехийн дарга, барилгын ажилд идэвхи санаачлагатай оролцсон цехийн төлөөлөл болох ажилтнууд, М.Энхмаагийн гэр бүлд хашаа байшинг 2018 оны 2 дугаар сарын 14 ний өдөр хүлээлгэн өглөө.

Хэрлэн сумын 1-р багийн иргэн М.Энхмаа таньд “ДБЭХС” ТӨХК-ийн хамт олны сэтгэлийн хандиваар барьсан хашаа, байшинд аз жаргал, инээд хөөр цалгиулан баяр баясалаар дүүрэн амьдрахын ерөөл дэвшүүлье.

Компанийн удирдлагын зүгээс нийт ажилтан, албан хаагч, ИТА нартаа хандивын аянд идэвхитэй оролцсонд талархаж байгаагаа илэрхийлье.

САЙН ҮЙЛС ДЭЛГЭРЭХ БОЛТУГАЙ