ЭРЧИМ ХҮЧНИЙ ХЭМНЭЛТ

Дэлхийн дулаарлыг бий болгож буй шалтгаануудын нэг нь эрчим хүчний хэрэглээ байдаг. Байгальд  ээлтэй ногоон эрчим хүчнийг хэрэглэх боломжгүй ч ухаалаг, хариуцлагатай, эдийн засагт хэмнэлттэйгээр эрчим хүчээ ашиглах нь дэлхийн дулаарлыг бууруулахад таны зүгээс оруулах хувь нэмэр болох болно. Эх болсон дэлхийгээ хайрлан хамгаалж, үр хойчдоо өвлүүлэх нь хариуцлагатай хэрэглээний хамгийн гол зорилт билээ.

Эрчим хүчний хэмнэлттэй хэрэгсэл ашиглах нь байгалийн баялгийг ашиглах явдлыг багасгадаг. Эдгээр нөөц нь байгалийн хий, газрын тос, нүүрс, ус юм. Эрчим хүчний үр ашиг нь эдгээр эх үүсвэрийг тогтвортой хөгжилд хүргэх арга зам болгон хадгалах явдал юм.

Бага эрчим хүчээр илүү ихийг хийх нь танд, таны улс орон, эх дэлхийд ашигтай.  Эрчим хүчээ хэмнэсэнээр бид дараах зүйлд хүрнэ:

• Эрчим хүчний хэмнэлт нь танд мөнгө хэмнэдэг.
• Эрчим хүчний үр ашиг нь эдийн засгийг сайжруулдаг.
• Эрчим хүчний үр ашиг нь байгаль орчинд сайнаар нөлөөлдөг.
• Эрчим хүчний үр ашиг нь үндэсний аюулгүй байдлыг сайжруулдаг.
• Эрчим хүчний үр ашиг нь амьдралын чанарыг дээшлүүлдэг.

Гэртээ, ажил дээрээ ч эрчим хүчээ хэмнэх үйлдлийг өдөр бүр хийж, үр хүүхэддээ үлгэрлэн хэвшүүлээрэй.