Ашиглалтын нэгдсэн ээлжүүдийн дунд зарласан горим барилтын уралдааны “НЭГДҮГЭЭР ШАТЛАЛ”-ын дүн гарлаа

2017-2018 оны өвлийн их ачааллын хугацаанд үйлдвэрлэлийн хэмнэлттэй, жигд найдвартай ажиллагааг хангах, ТЭЗҮ-ийн төлөвлөгөөг  биелүүлэх, нийт ажиллагсдын сахилга хариуцлага, ажлын байрны эмх цэгц, гоо зүйг дээшлүүлэх зорилгоор ашиглалтын нэгдсэн ээлжүүдийн дунд зарласан горим барилтын уралдааны “НЭГДҮГЭЭР ШАТЛАЛ”-ын дүн гарлаа.

Уралдааны энэ шатлалд Б.Даваажаргал инженертэй ашиглалтын нэгдсэн ГУРАВДУГААР ээлжийн хамт олон тэргүүн байранд шалгарч мөнгөн шагналаар шагнууллаа.

Горим барилтын уралдаан цааш өвлийн ачаалал дуустал 3 шатлал үргэлжилж шатлалуудын нийлбэр дүнгээр ТЭРГҮҮН байранд шалгарсан ашиглалтын нэг ээлжийн хамт олон мөнгөн шагнал, компанийн зардлаар байгалийн үзэсгэлэнт газраар аялах эрхээр шагнагдах юм.