2018-2019 оны өвлийн их ачааллын үеийн горим барилтын уралдааны дүн гарлаа

         2018-2019 оны өвлийн их ачааллын хугацаанд үйлдвэрлэлийн хэмнэлттэй, жигд найдвартай ажиллагааг хангах, ТЭЗҮ-ийн төлөвлөгөөг  биелүүлэх, нийт ажилтнуудын сахилга хариуцлага, ажлын байрны эмх цэгц, гоо зүйг дээшлүүлэх зорилгоор ашиглалтын нэгдсэн ээлжүүдийн дунд зарласан горим барилтын уралдааны нэгдсэн дүн гарлаа.

         Уралдаан 2018 оны 10-р сараас 2019 оны 4-р сар хүртэлх хугацаанд гурван шатлалтай зохион байгуулагдаж, гурван шатлалын нийлбэр дүнгээр ТЭРГҮҮН байранд шалгарсан Б.Даваажаргал инженертэй нэгдсэн ГУРАВДУГААР ээлжийн хамт олныг мөнгөн шагнал, компанийн зардлаар “БАЙГАЛИЙН ҮЗЭСГЭЛЭНТ, ТҮҮХИЙН ДУРСГАЛТ” газруудаар аялах эрхээр шагнав.

     “ДБЭХС” ТӨХК-ийн хамт олон 2018-аас 2019 оны өвлийн их ачааллын  хугацаанд  ТЭЗҮ-ийн төлөвлөгөөнүүдээ бүрэн биелүүлж, үйлдвэрлэлийн осол болон 1,2-р зэргийн саатал, үндсэн тоноглолын томоохон гэмтэл доголдолгүй ажиллалаа.