Монголын ЭХ-ний салбарын компаниудаас “ДБЭХС” ТӨХК анх удаа олон улсын эрх бүхий байгуулагаар эрчим хүчний техникийн аудит хийлгэв

        “Эрчим хүчний хэмнэлтийн тухай хууль”-ийн  хэрэгжилтийг салбарын үйлдвэр аж ахуйн нэгж байгуулагуудад хангуулах зорилгоор  МУ-ын Эрчим Хүчний Хөгжлийн Төв, БНСУ-ын Эрчим Хүчний Агентлагийн хамтын ажиллагааны хүрээнд  2017 оны  7-р сарын 24-нөөс 8-р сарын 4-ны хооронд Чойбалсан хотын ДЦС-д техникийн аудит  хийгдэв.

         Уг аудитаар Чойбалсан хотын ДЦС-ын зуух турбины үндсэн тоноглолуудын хүчин чадал, бүтээмжийн хэмжилтүүдийг хийж, албагдлыг тодорхойлон ЭХ хэмнэх боломжын талаар дүгнэлт, зөвлөгөө өгч ажиллав.  Аудитийн багт  БНСУ-ын Эрчим Хүчний Агентлагын 5 солонгос мэргэжилтэн, ЭХХТ-ийн ЭХ-ний хэмнэлт үр ашгийн хэлтэсийн 4 мэргэжилтнүүд оролцов.  БНСУ-ын Эрчим Хүчний Агентлаг нь 33 жилийн туршлагатай, олон улсын 38 компанид ЭХ-ний аудит хийж байсан байгуулга юм.