2022 ОНЫ “ХӨДӨЛМӨРИЙН АВАРГА ХАМТ ОЛОН” -ЫГ ШАЛГАРУУЛАВ

“ДБЭХС” ТӨХК-ийн 2022 оны “Хөдөлмөрийн аварга хамт олон” -ы шагнал гардуулах үйл ажиллагаа 2023.02.20 ны өдрийн 08:00 цагт Компанийн “Соёл спортын төв”-д боллоо.

Цахилгаан цех, Дорнод салбарын хамт олныг Монгол Улсын зүүн бүсийн хөгжил дэвшилд бодитой хувь нэмэр оруулан, хэрэглэгчдэд цахилгаан дулааны эрчим хүчийг үйлдвэрлэн түгээх ажилдаа сэтгэл зүтгэл гаргаж, мэргэжлийн өндөр түвшинд үр бүтээлтэй ажилласан амжилтыг тань үнэлэн “ДОРНОД БҮСИЙН ЭРЧИМ ХҮЧНИЙ СИСТЕМ” ТӨХК-ийн 2022 оны “ХӨДӨЛМӨРИЙН АВАРГА ХАМТ ОЛОН” -оор тодруулан өргөмжлөл, мөнгөн шагналаар шагнав.

Монгол орны гал голомт мөнхөд мандан гэрэлтэх болтугай