“ДБЭХС” ТӨХК-ИЙН АЖИЛТНУУДЫН ХҮҮХДҮҮДИЙН ДУНД АРГА ХЭМЖЭЭ ЗОХИОН БАЙГУУЛЛАА.

Аймгийн гэр бүл, хүүхэд залуучуудын хөгжлийн газраас санаачлан зохион явуулж буй “Анхаарч хамгаалъя-100” аяны туг манай компанид 2023 оны 05 сарын 25-30 нд аялан ирсэн. Мөн ОУ-ын хүүхдийн эрхийг хамгаалах өдөрт зориулж компанийн ажилтнуудын хүүхдүүдэд Эцэг эхийн зөвлөлөөс төлөвлөгөө гарган батлуулж, доорхи үйл ажиллагаануудыг зохион байгууллаа. Үүнд:

• 2023 оны 5-р сарын 28-ны өдөр ажилтнуудын 5-8-р ангийн хүүхдүүдийн дунд шатрын тэмцээн зохион байгуулж, 1-3-р байр болон тусгай байр эзлүүлэн шагнаж урамшууллаа.
• 5 дугаар сарын 29-ний өдөр мөн ажилтнуудын 9-12-р ангийн хүүхдүүдэд аймгийн ГБХЗХГазарт Мэргэжил сонголтын талаар мэдээлэл зөвлөмж авав. / Жич: Ахлах ангийн сурагчдын төгсөх шалгалт эхэлсэн, давтлага сургалтууд нь давхацсан үе таарсан тул цөөн хүүхэд хамрагдсан./
• Мөн хүүхдийг цахилгааны аюул, ослоос урьдчилан сэргийлэх зорилгоор сургууль, цэцэрлэг, хүүхдийн тоглоомын талбайн ойр орчимд байрлах цахилгаан дамжуулах шугам, дэд станц, цахилгаан байгууламжид үзлэг шалгалтууд хийсэн.
• 5 дугаар сарын 30-ны өдөр “Миний мэдэх станц” сэдэвт гар зургийн уралдааныг 1-4-р ангийн хүүхдүүдийн дунд зохион явуулж, 1-3-р байр болон тусгай байруудыг шагнаж урамшуулсан.

“ДБЭХС” ТӨХК-ИЙН ЭЦЭГ ЭХИЙН ЗӨВЛӨЛ