Эрчим хүчний ажиллагсадын өдөрлөг

Монгол улсад түлш, эрчим хүчний салбар үүсч хөгжсөний 91 жилийн ой Эрчим хүчний ажиллагсадын өдрийг “ДБЭХС” ТӨХК-ийн хамт олон  2012.08.17-ны өдөр тэмдэглэн өнгөрүүллээ. Өдөрлөгөөр үндэсний бөхийн барилдаан, сурын харваа хонжворт сугалаа явагдсан бөгөөд бөхийн барилдаанд хамгаалалтын албаны бөх сумын заан С.Ган-Очир түрүүлж хамгаалалтын албаны залуу бөх Т.Болорхүү үзүүрлэлээ. Сурын харвааны эрэгтэй төрөлд инженерийн албаны харваач  ээлжийн инженер Б.Даваажаргал түрүүлж К-Дха цехийн инженер Б.Содхүү 2-р байр, зуухан цехийн ашиглалтын инженер Г.Наранболд 3-р байр эзэлсэн бөгөөд эмэгтэй сурын харваанд дорнод салбарын мэргэжилтэн О.Батгэрэл түрүүлж ТСБХ-ийн орлогч нягтлан  Д.Гэрэлчулуун  2-р байр зуухан цехийн мазутын насосын машинч М.Наранцэцэг 3-р байр эзэллээ.

              Ажилтануудын дунд явуулсан хонжворт сугалааны супер хонжвор болох Итгэлт Хамба-Байгал далайгаар аялах эрхийг  зуухан цехийн засварчин Г.Ганболд, цахилгаан цехийн засварын монтёр Ц.Насанбат, хамгаалалтын ажилтан Жд. Батхуяг нар хожсон бөгөөд samsung galaxy S3 гар утас, гэрийн театр, эрдэнэт хивс, мөнгөн аяга, аяны майхан зэргийг хожих 18 азтан шалгарууллаа.