Эрчим хүчний зохицуулах хорооны төлөөлөгчид тусгай зөвшөөрөл эзэмшигчидтэй уулзалт ярилцлага хийлээ

2014 оны 5 дүгээр сарын 10-ны өдөр Эрчим хүчний зохицуулах хорооны зохицуулагч Р.Мягмар, зохицуулалтын газрын дарга С.Цэцэгээ нар Дорнод аймгийн Тамгын газрын хурлын танхимд эрчим хүчний тусгай зөвшөөрөл эзэмшигч ДБЭХС ТӨХК-ийн удирдлага, инженер техникийн ажилтнууд, Адуунчулуун ХХК ба Дорнод НАА ХК-ийн удирдлагуудтай уулзалт ярилцлага хийлээ.

Уулзалтанд Дорнод аймгийн Засаг даргын орлогч М.Бадамсүрэн, Дэд бүтцийн хэлтсийн мэргэжилтэн Дугармаа нар оролцов.

Зохицуулалтын газрын дарга С.Цэцгээ ЭХЗХ-ны 2013 оны үйл ажиллагааны дүн, өнгөрсөн онд авч хэрэгжүүлсэн арга хэмжээ, цаашид хэрэгжүүлэхээр төлөвлөж буй ажлуудын талаар  танилцуулсан ба тус компанийн гүйцэтгэх захирал Ч.Чинбат  компанийн танилцуулга, тулгамдаж буй асуудлууд, эрчим хүчний үнэ тарифийг нэмэгдүүлэх хэрэгцээ, шаардлагын талаар танилцуулав.

Р.Мягмар, С.Цэцэгээ нар тусгай зөвшөөрөл эзэмшигчидтэй харилцан ярилцаж, сонирхсон асуултуудад хариулт өглөө.