“ТВ Караоке” тэмцээн амжилттай зохион байгуулагдлаа

“ДБЭХС” ТӨХК “Алтан гадас” одонгоор шагнагдсантай холбогдуулан ажиллагсдыг урамшуулах, хөгжүүлэх, чөлөөт цагийг зөв боловсон өнгөрүүлэх, дуулах авъяасыг нээн илрүүлэх зорилготой компаний “Үйлдвэрчний эвлэлийн хороо”-оос зохион байгуулсан “ТВ Караоке” тэмцээн 2018.11.10 ны өдөр “Дорнод аймгийн хөгжимт драмын театр”-т амжилттай зохион байгуулагдлаа.

Цех нэгж хэсгүүдээс нийт 9 баг оролцсон уг тэмцээнд багууд маш өндөр бэлтгэлтэй оролцож байгаа нь дуулалт, хувцаслалт, хөгжөөн дэмжигчид, видео шторк зэргээс харагдаж байлаа. Ингээд багаараа дуулах буюу мэндчилгээ, дуэт дуу, багийн ахлагчийн дуу гэсэн 3 үеийн турш багууд ширүүн өрсөлдсний эцэст Тэргүүн байранд “Дорнод салбар” шалгарч өргөмжлөл 1 сая төгрөг, дэд байранд “Цахилгаан цех” шалгарч  өргөмжлөл 800 000 төгрөг, гуравдугаар байранд “Зуухан цех” шалгарч өргөмжлөл 600 000 төгрөгөөр тус тус шагнагдлаа.