“Эрчим хүчний хяналтын ажилтны 11 дэх удаагийн зөвлөгөөн” болж өнгөрлөө

2019 оны 9 дүгээр сарын 18-20-ны өдрүүдэд Эрчим хүчний салбарын хяналтын ажилтны улсын 11 дэх  удаагийн зөвлөгөөнийг Эрчим Хүчний Яам болон “ДБЭХС” ТӨХК  хамтран Дорнод аймагт амжилттай  зохион байгууллаа.

Зөвлөгөөнд эрчим хүчний салбарын ХАБЭА-н болон техникийн хяналтын инженерүүд, дотоод аудиторууд, ерөнхий нягтлан бодогч зэрэг салбарын 33 байгууллагын нийт 135 хяналтын ажилтнууд оролцлоо.

Хяналтын ажилтны зөвлөгөөнийг нээж Эрчим хүчний яамны дэд сайд Т.Гантулга үг хэлж, амжилт хүслээ.

Тус зөвлөгөөнөөр өмнөх зөвлөгөөнөөс гарсан уриалга зөвлөмжийн дагуу хийж гүйцэтгэсэн ажил, салбарын хяналт шинжилгээ, үнэлгээний өнөөгийн байдал, дотоод аудитын үйл ажиллагаа ба цаашид анхаарах асуудлууд, ажлын байрны эрсдлийн үнэлгээ хийж буй арга туршлагууд, салбарын хэмжээнд хэрэгжиж буй техник технологийн шинэчлэлүүд, шинэ санал санаачлага, ажлын туршлагаа харилцан солилцож, тулгамдаж буй асуудлаа шийдвэрлэсэн арга хэмжээ болж өндөрлөлөө.

Энэ удаагийн 11-р зөвөлгөөнд шилжин явах цомыг шинээр хийсэн ДБЭХС ТӨХК-нд хуучин цомыг дурсгаж хадгалуулав.

2020 оны 12 дахь хяналтын ажилтны зөвлөгөөнийг  “Эрдэнэт Булганы цахилгаан түгээх сүлжээ” ТӨХК зохион байгуулахаар шилжин явах цом, тугийг гардан авлаа.