“ДБЭХС” ТӨХК 45 жилийн ойгоо тэмдэглэн өнгөрүүллээ
Монгол улсад эрчим хүчний салбар үүсч хөгжсөний 93 жилийн ой, “ДБЭХС” ТӨХК үүсэн байгуулагдсаны 45 жилийн ойн баярыг 2015.08.21-22 ны өдрүүдэд тэмдэглэн өнгөрүүллээ. Баярын эхний өдөр аймгийн ХДТ-д баярын хурал, концерт болж мөн компани дээрээ ахмадууд, зочид төлөөлөгчидөө хүлээж авлаа.
Баярын 2 дахь өдөр “ДБЭХС” ТӨХК-ийн саам сувилалд өдөрлөг боллоо. Өдөрлөгөөр үндэсний бөхийн барилдаан, сурын харваа, хонжворт сугалаа явагдлаа. Үндэсний бөхийн барилдаанд ЦШС цехийн залуу бөх монтёр Н.Насанбаатар түрүүлж цахилгаан цехийн залуу бөх холбооны инженер Б.Баярцогт үзүүрлэлээ.
Сурын харвааны эрэгтэй төрөлд мөн ЦШС цехийн монтёр Н.Насанбаатар түрүүлж эмэгтэй сурын харваанд Дорнод салбарын мэргэжилтэн О.Батгэрэл түрүүллээ.
Компаний хамт олны дунд явуулсан азтан шалгаруулах сугалааны супер хонжвор болох “Бээжин хот, Хайнан арлаар” аялах эрхийг Дорнод салбарын байцаагч н.Онончимэг хожсон бөгөөд мөнгөн шагнал, гар утас, нотебүүк, LED телевизор зэргийг хожих азтан шалгарууллаа.
