ОЛОН УЛСЫН ЭМЭГТЭЙЧҮҮДИЙН ЭРХИЙГ ХАМГААЛАХ ӨДРИЙГ ТЭМДЭГЛЭН ӨНГӨРҮҮЛЛЭЭ

2022 оны 03 дугаар сарын 07 ны өдөр “ДБЭХС” ТӨХК-ийн нийт бүсгүйчүүд Олон улсын эмэгтэйчүүдийн эрхийг хамгаалах 111 дахь өдрийг ёслол, хүндэтгэлтэйгээр компанийн “Соёл спортын төв”-д тэмдэглэн өнгөрүүллээ. Уг арга хэмжээний үеэр тус компанид олон жил идэвх зүтгэл гарган, бодит хувь нэмэр оруулан ажилласан Түлш дамжуулах цехийн конвейрын машинч C.Энхтуяа, ЦШС цехийн ашиглалт, засварын мастер Ц.Атарцэцэг нарыг  Эрчим хүчний яамны жуух бичгээр, Дорнод салбарын авлага барагдуулах хэсгийн ахлагч Т.Оюун, ЗУХ-ийн архив бичиг хэргийн ажилтан Л.Эрдэнэцэцэг, Компьютер-ДХА цехийн хэмжүүрийн засварчин Т.Энхболормаа,  ЦШС цехийн үйлчилгээний ажилтан Ц.Оюунцэцэг нарыг Монголын эмэгтэйчүүдийн холбооны дурсгалын тэмдгээр тус тус шагнаж урамшууллаа. Мөн эрхэлсэн ажилдаа идэвх санаачилга гарган ажилласан бүсгүйчүүдийг аймаг, хотын жуух бичгээр тус тус шагнасан байна.

Олон улсын эмэгтэйчүүдийн эрхийг хамгаалах өдрийг угтан “Эрчим хүчний салбарт эмэгтэйчүүдийн оролцоо ба эрх тэгш байдал” сэдэвт эсээ бичлэгийн уралдаан зохион байгуулж Дорнод салбарын ХХАТ-ын ажилтан П.Амаржаргал тэргүүн байр эзлэв. Мөн “ДБЭХС” ТӨХК-д 30-аас дээш жил ажилласан эмэгтэй ажилтнууддаа хүндэтгэл үзүүлэв.