ЭРЧИМ ХҮЧНИЙ САЙД ЧОЙБАЛСАНГИЙН 50МВТ-ЫН ӨРГӨТГӨЛИЙН АЖИЛТАЙ ТАНИЛЦЛАА

Түлхүүр гардуулах гэрээгээр хэрэгжиж буй Чойбалсангийн дулааны цахилгаан станцын суурилагдсан хучин чадлыг 50 МВт-аар өргөтгөх төслийн барилга угсралтын ажлын явцтай Монгол Улсын их хурлын гишүүн Эрчим хүчний сайд Б.Чойжилсүрэн, Монгол улсын Их Хурлын Гишүүн ХХААХҮ-ийн сайд Х.Болорчулуун, ЭХЯ-ны Бодлогын Хэрэгжилтийн Зохицуулах Газрын дарга Б.Насантогтох, ЭХЗХ-ны дарга Э.Түвшинчулуун нар 2023 оны 06 дугаар сарын 10-ний өдөр танилцлаа.

Энэ үеэр төслийн үйл ажиллагаанд тулгамдаж буй дараах асуудлын талаар хэлэлцэж, Эрчим хүчний сайд холбогдох байгууллагуудад хугацаатай үүрэг даалгавар өгч ажиллалаа. Үүнд:

1. Улсын төсвийн санхүүжилтээс хамаарсан ханшийн зөрүүг шийдвэрлэх.
2. Төсөл хэрэгжүүлэх нэгжийн ажилчдын цалингийн зардлыг шийдвэрлэх.
3. Төслийн барилга угсралтын ажлыг эрчимжүүлж 2023 оны 11 дүгээр сарын 01 ний өдөр шинэ станцыг хүлээлгэж өгөх.
4. Барилга угсралтын ажлыг 2023 онд дуусгахад шаардагдах хөрөнгийг улсын төсвийн тодотголоор оруулж нэмэгдүүлэх
5. Ковид цар тахлаас үүдэн гарсан нэмэлт зардлыг 2024 оны улсын төсөвт суулгуулах

Уг төсөл хэрэгжиж дууссанаар Монгол Улсын Зүүн бүсийн өсөн нэмэгдэж буй цахилгаан эрчим хүчний хэрэглээг хангах, уул уурхай, газрын тосны үйлдвэрлэл болон экспортын орлогыг нэмэгдүүлэх боломжийг бүрдүүлэх юм.