Эрчим хүчний ажиллагсдын өдрийг тэмдэглэн өнгөрүүллээ
Монгол улсад түлш, эрчим хүчний салбар үүсч хөгжсөний 94 жилийн ой Эрчим хүчний ажиллагсдын өдрийг “ДБЭХС” ТӨХК-ийн хамт олон 2016.08.20-ны өдөр өргөн дэлгэр тэмдэглэн өнгөрүүллээ. Өдөрлөгөөр үндэсний бөхийн барилдаан, сурын харваа хонжворт сугалаа явагдав. Хүчит 32 бөхийн барилдаанд хамгаалалтын албаны бөх сумын начин Б.Ганболд түрүүлж зуухан цехийн залуу бөх Т.Болорхүү үзүүрлэлээ. Сурын харвааны эрэгтэй төрөлд Турбин-хими цехийн П.Хүрэлбаатар түрүүлж К-ДХА цехийн инженер Б.Содхүү 2-р байр, инженерийн албаны ахлах инженер М.Сэнгэдорж 3-р байр эзэлсэн бөгөөд эмэгтэй сурын харваанд Дорнод салбарын мэргэжилтэн О.Батгэрэл түрүүлж Зуухан цехийн А.Хандармаа 2-р байр Түлш дамжуулах цехийн Г.Гантуяа 3-р байр эзэллээ.
Ажилтануудын дунд явуулсан хонжворт сугалааны супер хонжвор болох 2 ширхэг нөүтбүкийг Автогражийн жолооч Б.Түмэн-Өлзий, Турбин-хими цехийн У.Отгонцэцэг нар хожсон бөгөөд samsung J5, J7 гар утас, бугуйн цаг, 100000₮ зэргийг хожих 17 азтан шалгарууллаа.