“ДБЭХС” ТӨХК-ийн ажилтнууд мод тарив.
Монгол Улсын ерөнхийлөгчийн санаачилсан “Нэг тэрбум мод” үндэсний хөдөлгөөний хүрээнд цөлжилт, газрын доройтолтой тэмцэх арга хэмжээнд Эрчим хүчний салбараас “Зуун мянган мод” тарих үйл ажиллагааг зохион байгуулж байгаа билээ.
“ДБЭХС” ТӨХК-ийн хувьд 2022 онд 6 төрлийн 3572 мод, 2023 онд 5 төрлийн 5257 мод тарьж цэвэрлэгээ усалгаа хийх арчилгааны ажил явагдаж байна. Нийт ургалтын явц 70% тай байна.
ADAPT төсөл буюу “Монгол орны хөдөөгийн иргэдийн уур амьсгалын өөрчлөлтөд дасан зохицох чадавхыг нэмэгдүүлэх, эрсдэлийн менежментийг боловсронгуй болгох нь” төсөл болон Хэрлэн сумын ЗДТГазраас өгсөн 1400 ширхэг бургас модыг 2024 оны 05 дугаар сарын 17 ны өдөр Хэрлэн голын хөвөө 50МВт-н шинэ худгийн урд Хэрлэн сумын ЗДТГ-ын Байгаль орчны Улсын байцаагч, төслийг хэрэгжүүлэгч нартай хамтран цех нэгжийн төлөөлөл амжилттай модоо тарьлаа.
Өүлэн эхийн хөшөөний хашаанд байрлах модны цэвэрлэгээ усалгаа хийгдэж, хашаанд мал орохоос сэргийлж хашааны хаалгыг бэхэлж засварлав. Мөн Сүхбаатар ЦТСүлжээ салбарын хамт олон Баруун-урт ЗДТГазраас олгосон газарт 400 ширхэг хайлаас суулгаж өөрийн байгууллагын хашаанд болон ойр орчмын тарьсан модыг нөхөн сэргээж услах цэвэрлэх арга хэмжээ хийгдлээ.
Мод тарих нь байгаль орчинд болон хүний сэтгэл санаа, дурсамжид асар их үр нөлөө үзүүлдэг. Мод нь дуу чимээг бууруулж, хүчилтөрөгч ялгаруулан нүүрстөрөгчийг хуримтлуулж, агаарыг цэвэршүүлж, сэрүүн орчинг гэрэлтүүлж, салхи болон хөрсний элэгдэл, бохирдлыг бууруулж, өмчийн үнэ цэнийг нэмэгдүүлдэг байна.
