Ашиглалтын нэгдсэн ээлжүүдийн дунд зарласан горим барилтын уралдааны “НЭГДҮГЭЭР ШАТЛАЛ”-ын дүн гарлаа

2016-2017 оны өвлийн их ачааллын хугацаанд үйлдвэрлэлийн хэмнэлттэй, жигд найдвартай ажиллагааг хангах, ТЭЗҮ-ийн төлөвлөгөөг  биелүүлэх, нийт ажиллагсдын сахилга хариуцлага, ажлын байрны эмх цэгц, гоо зүйг дээшлүүлэх зорилгоор ашиглалтын нэгдсэн ээлжүүдийн дунд зарласан горим барилтын уралдааны “НЭГДҮГЭЭР ШАТЛАЛ”-ын дүн гарлаа.

Уралдааны энэ шатлалд П. Гүрдорж инженертэй ашиглалтын нэгдсэн ХОЁРДУГААР ээлжийн хамт олон 95,29 оноогоор тэргүүн байранд шалгарч мөнгөн шагналаар шагнууллаа.

Уралдааны шатлалын хугацаанд цахилгааны оргил ачаалал үйлдвэрлэлийн суурилагдсан хүчин чадлаас давж 37 МВт хүрсэн ба үйлдвэрлэлийн үйл ажиллагаанд ямар нэгэн доголдол гараагүй ажилласан байна.

Горим барилтын уралдаан цааш өвлийн ачаалал дуустал 2 шатлал үргэлжилж шатлалуудын нийлбэр дүнгээр ТЭРГҮҮН байранд шалгарсан ашиглалтын нэг ээлжийн хамт олон мөнгөн шагнал, компанийн зардлаар ОХУ-ын “Итгэлт хамба-Байгаль нуур” орчмын үзэсгэлэнт газраар аялах эрхээр шагнагдах юм.