2016 оны “Шилдэг ерөнхий инженер”-ээр “ДБЭХС” ТӨХК-ийн ерөнхий инженер Ө.Жаргалсайхан шалгарлаа

Монгол Улсын гал голомт болсон Эрчим хүчний салбар 2016 онд хийсэн ажлаа дүгнэж,бүтээн байгуулалт, төсөл хөтөлбөрт гар бие оролцсон инженер, мэргэжилтнүүдээс шилдгүүдээ тодрууллаа. Салбарын багана болсон шилдэг ажилтнууд болон онцлох төсөл хөтөлбөр хэрэгжүүлэгч хамт олныг өнөөдөр Эрчим хүчний дэд сайд Т.Гантулга, Төрийн нарийн бичгийн дарга З.Мэндсайхан нар хүлээн авч, баяр хүргэсэн юм. 2016 оны “Шилдэг ерөнхий инженер”-ээр “Дорнод бүсийн эрчим хүчний систем” ТӨХК-ийн ерөнхий инженер Өглөгчийн Жаргалсайхан шалгарлаа. Ерөнхий инженер Өглөгчийн Жаргалсайхан нь 2016 онд Зүүн бүсийн хэрэглэгчдийг цахилгаан, дулааны эрчим хүчээр тасралтгүй, найдвартай хангах, дотоод нөөц бололцоог ашиглах замаар эдийн засгийн хэмнэлттэй, үр ашигтай ажиллах, дотоод хэрэгцээний цахилгаан эрчим хүчний зарцуулалтыг эрчимтэй бууруулах үндсэн зорилтуудыг хэрэгжүүлэхэд гол анхаарлаа чиглүүлэн ажилласан байна.