“Төрийн өмчийн менежмент ба Нийгмийн хариуцлага-2017” өдөрлөгт амжилттай оролцлоо

Монгол Улсын Засгийн газар,Засгийн Газрын Хэрэгжүүлэгч Агентлаг Төрийн өмчийн бодлого, зохицуулалтын газраас энэ сарын 7,8-ны өдрүүдэд “Төрийн өмчийн менежмент ба нийгмийн хариуцлага – 2017” өдөрлөгийг “Тэнгэр плаза” төвд зохион байгуулсан билээ.

Төрийн өмчийн оролцоотой компаниудын үйлчилгээг нэг цэгээс иргэдэд хүргэж, үйл ажиллагааг нь олон нийтэд сурталчлан, импорт орлох бараа, бүтээгдэхүүн үйлдвэрлэгч үндэсний үйлдвэрүүдийг дэмжих, хамтарч ажиллах нөхцлийг бүрдүүлэх нь тус өдөрлөгийн зорилго юм. Өдөрлөгийн нээлтэнд Монгол улсын Ерөнхий сайд Ж.Эрдэнэбат хүрэлцэн ирж, төрийн өмчит болон төрийн өмчийн оролцоотой 80 гаруй компани, үйлдвэрийн газруудтай танилцав

Монгол Улсын Засгийн газрын 2015-2020 оны үйл ажиллагааны мөрийн хөтөлбөрийн хүрээнд зохион байгуулагдаж буй энэхүү өдөрлөгт “Дорнод бүсийн эрчим хүчний систем” ТӨХК нь идэвхтэй оролцож хэрэглэгчдэдээ өөрийн үйл ажиллагаагаа сурталчилж амжилттай оролцлоо.

Анх удаа болж байгаа төрийн өмчит болон төрийн өмчийн оролцоотой хуулийн этгээдүүд нэгдэн оролцсон энэхүү өдөрлөгийн үйл ажиллагаанд амжилттай оролцоход тусалсан Төлөөлөн удирдах зөвлөлийн дарга Ц.Түвшинзаяа болон бусад гишүүддээ талархсанаа илэрхийлж байна.