Зүүн, өмнөд бүсийн тусгай зөвшөөрөл эзэмшигчдийн дунд ажил мэргэжлийн уралдаан амжилттай зохион байгуулагдлаа

Монгол улсад Эрчим хүчний салбар үүсч хөгжсөний 95 жилийн ойн хүрээнд зүүн, өмнөд бүсийн тусгай зөвшөөрөл эзэмшигчдийн дунд зохион байгуулсан ажил мэргэжлийн уралдаан Дорнод аймгийн Чойбалсан хотод 2017 оны  5-р сарын 19-нд амжилттай зохион байгуулагдлаа.

Уг ажил мэргэжлийн уралдаанд Багануур дүүрэг, Өмнөговь,  Дорноговь, Дорнод аймгуудын 6 баг оролцсоноос Дорнод аймгийн  “ДБЭХС” ТӨХК-ийн баг тамирчид 1-р байр, Багануур дүүргийн БЗӨБТС-ийн баг тамирчид 2-р байр эзэлж дараагийн шатанд УБ хотод болох ажил мэргэжлийн улсын уралдаанд оролцох эрхийн бичгээр шагнагдлаа.

Тус тэмцээн нь марш тактик, гагнуур, оосорлогч дохиочин, кранчин, хаалт арматур засвар, шуурхай ажиллагааны ажиллагсадын онол  практик, IQ, хөдөлмөрийн аюулгүй байдал эрүүл ахуйн тухай хууль, эрчим хүчний тухай хууль, ТАД, ААД-н мэдлэг шалгах төрлүүдээр зохион байгуулсан юм.

Бүсийн уралдаанд шалгарч амжилттай оролцсон ТХА-ны дарга Т.Төмөрбаатар ахлагчтай “East” багийн хамт олонд цаашдын тэмцээн уралдаанд амжилттай оролцохыг хүсэн ерөөж талархал дэвшүүлье.

“ДБЭХС” ТӨХК