Эрчим хүчний ажиллагсдын өдрийг тэмдэглэн өнгөрүүллээ

            Монгол улсад Эрчим хүчний салбар үүсч хөгжсөний 96 жилийн ой Эрчим хүчний ажиллагсдын өдрийг “ДБЭХС” ТӨХК-ийн хамт олон  2018.08.18-ны өдөр өргөн дэлгэр тэмдэглэн өнгөрүүллээ. Өдөрлөгөөр үндэсний бөхийн барилдаан, сурын харваа, “Дээлтэй Монгол” тэмцээн, хонжворт сугалаа явагдав.

            Хүчит 32 бөхийн барилдаанд Түлш дамжуулах цехийн бөх засварчин Б.Энхтайван түрүүлж, механик цехийн бөх токарьчин Ж.Батхуяг үзүүрлэлээ.

          Сурын харвааны эрэгтэй төрөлд ЦШС цехийн Дашбалбар сумын монтёр Н.Жаргалсайхан түрүүлж, ЦШС цехийн ашиглалтын мастер Ц.Болдбаатар 2-р байр, Дорнод салбарын инженер Ц.Золбаяр 3-р байр эзэлсэн бөгөөд эмэгтэй сурын харваанд Дорнод салбарын байцаагч монтёр Ж.Эрдэнэсувд түрүүлж,  цахилгаан цехийн монтёр Д.Гандэлгэр 2-р байр, ИА-ны ээлжийн инженер А.Энхзаяа 3-р байр эзэллээ.

        “Дээлтэй Монгол” тэмцээний хосын төрөлд К-ДХА цехийн ээлжийн засварчин Г.Нямбат, А.Алтантуяа, эрэгтэй төрөлд ЦШС цехийн монтёр Н.Чулуунбаатар, эмэгтэй төрөлд ТДЦ-ийн тоноглолын машинч М.Уранчимэг, ахмад настны төрөлд К-ДХА цехийн ахмад ажилтан Д.Долгорсүрэн нар тус тус түрүүлж мөнгөн шагналаар шагнагдлаа.

           Ажилтнуудын дунд явуулсан хонжворт сугалааны супер хонжвор БНХАУ-ын үзэсгэлэн газар болох “Тэнгэрийн хаалга” аялалаар аялах эрхийг зуухан цехийн засварчин Г.Энхтүвшин хожсон бөгөөд унадаг дугуй, 500’000₮-ийн хадгаламж, Huawei Y6, Samsung J3 гар утас, аяны майхан, ширээ сандал, 50’000-100’000₮ зэргийг хожих нийт 28 азтан шалгарууллаа.