“ДБЭХС” ТӨХК Монгол Улсын төрийн дээд шагнал “Алтан гадас” одонгоор шагнагдлаа

Чойбалсан хотын 80 жил, “Алдар гавьяаны өдөр”-ийн баярын хурлын үеэр “ДБЭХС” ТӨХК Монгол Улсын төрийн дээд шагнал “Алтан гадас” одонгоор шагнагдаж, Монгол улсын эрчим хүчний салбарын түүхэнд бичигдэх чухал үйл явдал боллоо. Энэхүү эрхэм хүндтэй шагналыг Монгол улсын ерөнхийлөгч Х.Баттулгын 2018 оны 8-р сарын 31 ны 123 тоот зарлигийн дагуу Ерөнхийлөгчийн Тамгын газрын дэд дарга Г.Байгалмаа гардуулж “ДБЭХС” ТӨХК-ийн хамт олонд баяр хүргэж, амжилт хүслээ.